Programi është më shumë i përqëndruar në një qasje praktike – “të mësuarit duke e praktikuar”

Ky Programi përpos që ka të bejë me formimin profesional dhe teknik, po ashtu mundëson formim edhe në aspektin social, pasi që profesionistët e diplomuar në PROED pritet të punojnë në ekip në të ardhmen në vendet e tyre të punës në fushën e teknologjisë së informacionit

• Programim dhe baza të të dhënave
• Zhvillim i Aplikacioneve në desktop
• Zhvillim i Aplikacioneve në WEB
• Zhvillim i Aplikacioneve mobile

A dëshironi të punoni në teknologjinë e informacionit, si:

• Programer kompjuteri
• Zhvillues softueri
• Zhvillues i UEB-it
• Administrator/Zhvillues i bazës së të dhënave
• Konsulent për TI
• Testues Softuerit

• Kualifikimi: Program Profesional – Zhvillues i Softuerit
• ECVET & Semestrat: 120 ECVET & 4 semestra
• Internship: 12 javë internship në semestrin e katërt (fundit)
• Gjuha në të cilën organizohet programi: Shqip

Studentët tanë do të realizojnë internshipin në semestrin e fundit në ndonjërën nga kompani me të cilat PROED ka marrëveshje bashkëpunimi. Internshipi ka një kohëzgjatje prej 12 javëve dhe është ekuIvalent me 20 ECVET pikë kredi.

Studentët gjatë punës praktike (internshipit) parimishtë nuk do të paguhen. Për studentët që kanë rezultate të mira në studime dhe dëshmojnë profesionalizëm gjatë kohës së internshipit ekzistojnë mundësi të mira për punësim.

Kurrikula e programit profesional Zhvillues Softueri është përgatitur nga stafi (mësimdhënësit) tanë, ekspertë dhe profesionistë të jashtëm, nga sfera akademike dhe industria e TI-së. Kurrikula e programit është zhvilluar e duke u bazuar në dy parime kryesore:

• Programet e vendeve që kanë edukimin më të mirë profesional në fushën e TI-së, si dhe
• Nevojat e tregut të punës, në nivel vendi dhe atë jashtë Kosovës.

Synimi i programit tonë është që të përqëndrohet në përgatitjen e studentëve tanë për problemet në “botën e vërtetë”. Motoja jonë është “Real Life Education”. 

Meqë teknologjia e Informacionit është fushë e cila zhvillohet dita ditës, ne në PROED do të përpiqemi vazhdimisht për freskimin dhe zhvillimin e mëtutjeshëm të kurrikulës tonë në bashkëpunim me profesionistët më të mirë nga vendi ynë dhe ata të jashtëm, me qëllim të ndjekjes së trendeve më të fundit në fushën e TI-së.

Një tjetër tipar që e karakterizon shkollën tonë është mjedisi ynë i të mësuarit. Ne provojmë të kombinojmë aspektet akademike, sociale dhe praktike, në mënyrë që ata të jenë studentë të pavarur. Lidhja e teorisë dhe praktikës duke u kombinuar edhe me reflektim personal mbetet thelbi absolut i programit tonë të studimit.

PROED ofron hapsirë akademike dhe laboratorike moderne nga e cila studentët tanë mund të përfitojnë në çdo kohë. Softuer dhe vegla softuerike të nevojshme për studime.

PROED ofron programe dhe vegla të ndryshme softuerike për studentët tanë, me qëllim që ata të kenë mundësi të realizimit praktik të asaj që mësohet në teori të zbatohet në praktikë.