Në bashkëpunim me zyrën e Bashkimin Evropian, shkolla profesionale për programim – PROED,  do të realizojmë një projekt përmes të cilit  do të fokusohemi tek investimi në teknologjinë informative më të fundit, që mundëson zhvillim më të gjerë të edukimit,  programeve trajnuese si dhe rritjen e kapacitetit për zhvillim të programeve dhe produkteve te reja, duke përfshirë aplikacione softuerike dhe shërbime të reja konsulence për zgjidhjen e problemeve në sektorin e TIK-ut.

Angazhimi i Ekspertëve/Instruktorëve për zhvillimin e kurrikules do të përfshijë krijimin e moduleve për trajnimet për projektin e bashkëfinancuar me fondin e Bashkimit Evropian - Zyra e BE në Kosovë për “Krijimi i Departamentit të TIK-ut, për trajnime praktike profesionale dhe zhvillim softueri” në këto module:

1. Zhvillim i Web Faqeve – Web design (Zhvillim i Aplikacioneve të bazuara ne Ueb)
2. Zhvillim i Aplikacioneve Mobile
3. Zhvillim dhe Administrim i bazave të së dhënave
4. Teknologjia e Sigurisë Kibernetike (Cyber Security)
5. Gjuhë programuese: Python
6. Administrim dhe mirëmbajtje e rrjetave kompjuterike

Titulli  i angazhimit:

Zhvillues i kurrikulës / Ligjërues / Instruktor në PROED, një ose më së shumti në 2 module.

Shkollimi i kërkuar:

Diplomë Universitare ose e Shkollës Profesionale të drejtimeve të ngjashme sipas moduleve të  publikuara (6 module).

Detyrat dhe përgjegjësitë

• Zhvillon kurrikulën e programit/modulit - me qëllim të zhvillimit dhe ngritjes së njohurive profesionale në fushën e TIK-ut;
• Ligjëron dhe mbanë kurse trajnimi në modulet e kërkuara;
• Planifikon dhe koordinon aktivitetet e nevojshme për funksionimin e procesit të trajnimit dhe aftësimit për modulin perkatës;
• Përgatitë materialin e nevojshëm mësimor në formë të prezantimeve, videove, ushtrimeve praktike (nje kopje e ketyre materialeve duhet te dorzohen te Menaxheri i projekti para trajnimit);
• Të bëjë vlerësimin e aftësive dhe nivelin e njohurive të kandidatëve;
• Harton dokumentacionin e nevojshëm për Proed shpk (evidence, raportet e vleresimit etj.);

Aftësitë, përvoja dhe atributet tjera që kërkohen:

• Përvojë pune në fushën e perkatese te trajnimit, preferohet ne institucionet e ngjajshme;
• Aftësi për të punuar me vet-iniciativë në kuadër të planeve dhe procedurave të përcaktuara;
• Shkathtësi të mira të komunikimit, përfshirë aftësinë për të interpretuar informata, dhënë udhëzime dhe përcjellë informata tek të tjerët;
• Të jetë në gjendje të punojë i vetëm dhe në ekip.
• Aftësi të arrijë të drejtoj ngarkesën e punës, punoj nën presion dhe të përmbush detyrat brenda afateve të caktuara.

Kohëzgjatja e angazhimit: Angazhimi behet per modulin e caktuar 3-4 muaj (1 modul) / 2–3 here ne jave me nga 2-4 ore per nje dite. Egziston mundesia qe kontrata per angazhim te vazhdohet automatikisht / te riperseritet trajnimi ne modul - varesisht nga suksesi i treguar.

Aplikuesi duhet te parqes kete dokumente

1. Oferta financiare - për ore mesimore ose për komplet modulin (Lamp Sume);
2. Kurrikulen e zhvilluar -  Plan i skicuar me temat kryesore te kurrikulave te ndara sipas moduleve / kurseve dhe oreve për (1) ligjerata / trajnime, (2) ushtrime praktike laboratorike;
3. CV dhe një kopje të dokumentit identifikues;
4. Kopjet e dokumenteve që dëshmojnë për kualifikimet e tij/saj (si diploma, trajnime, referenca etj.).

Aplikim, afati dhe info shtese

• Afati per aplikim është i hapur deri më datë: 12.02.2021.
• Dokumentat per aplikim mund të dërgohen fizikisht tek administrata e PROED ose në email adresën: [email protected]
• Për informacione mund të na kontaktoni në tel: +383 49 615 452 ose +383 49 127 200

Vlerësimet dhe njoftimi për fituesin

• Vlerësimi do behet sipas kritereve: çmimi ekonomik më i favorshëm; Plani i trajnimit / Kurrikules me 40%; çmimin për njësi / modul me 40% dhe përvoja e punës 20%.
• Fituesi(t) potencial do te kontaktohet brenda 5 ditëve të punë Për diskutime teknike dhe financiare te mëtutjeshme, mund të ftohen më shume se një kandidat/e që përzgjidhen, për një apo më shumë pika të specifikuara në tabelë, duke filluar nga i rendituri më lartë nga komisioni vleresues.
• Pagesa do të kryhet përmes llogarisë bankare ne baza mujore ose në tërësi pas perfundimit me sukses te trajnimeve (sipas marrëveshjes në mes palëve).

Zhvillimi i kurrikules –

• Modulet e prezantuara me poshte me lëndet përkatese, janë shtylla mbi te cilat duhet te zhvillohen kurrikulat. Lëndet zgjedhore përzgjidhen nga Instruktori. Ne total duhet te jene rreth 240 ore (Guided Learning Hours - GLH) për ligjerata / trajnime, ushtrime praktike laboratorike dhe vetëstudim.
• Zhvilluesi i kurrikulave duhet te kete parsyesh ndarjen e oreve për ligjerata, ushtrime praktike dhe vetëstudim. Ndarja e orëve (240 GLH) ne nje modul përafersisht duhet te jetë:
• Ligjerata (15 - 20 ) %
• Ushtrime praktike (40 - 45) %
• Vetëstudim/detyra ( 30 - 40) %

Zhvilluesi i kurrikules duhet t’i përmbahet moduleve përkatese - sipas tabelave të poshtë shënuara. Varësisht nga rëndësia e lëndes/kursit, numri i orëve (GLH) në modul mund të lëvizet deri në 30%.

 Kjo pako trajnimi përmban 240 orë të vëzhguara mësimi – GLH, gjatë së cilave studentët do të  
 përgaditen me njohuri të mjaftueshme të ndërlidhur me dizajnim dhe ndërtim të aplikacioneve te  
 bazuara në web.

 Zhvillimi i Aplikacioneve Mobile përqendrohet në zhvillimin e aplikacioneve për sistemet 
 operative Android dhe IOS. Ky trajnim fillon me njohuri të përgjithshme të gjuhës së
 Programimit C# pastaj vazhdon me kursin e zhvillimit të bazave të të dhënave ku studentët
 marrin njohuritë themelore të kërkuara për të hyrë në fushën e zhvillimit të aplikacioneve 
 mobile.

 Trajnimi do të përqendrohet në bazat e të dhënave duke përgatitur kandidatë të rinj në zhvillimin 
 e bazave të të dhënave, zhvillimin dhe krijimin e raporteve, analizën e të dhënave dhe paketën e 
 integrimit të të dhënave, kështu përgatisin kandidatët me njohuri të përgjithshme në fushën e 
 administrimit të bazave të të dhënave. Kandidatët që e përfundojnë me sukses këtë paketë do të
 përgatiten në tregun e punës për të gjitha llojet e pozicioneve që lidhen me Zhvillimin e
 Databazës dhe Administrimin e Bazave të të Dhënave.

Trajnimi mbi Sigurinë Kibernetike - synon të përgatisë kandidatët e rinj në fushën e sigurisë së të dhënave, etikës së piraterisë dhe trajtimit të incidenteve të sigurisë. Kjo paketë përbëhet nga 3 lëndë obligative dhe 2 lëndë zgjedhore, të cilat do të përgatisin studentët me njohuri të përgjithshme për pozicionet që lidhen me sigurinë e të dhënave, hakimin, etikën, parandalimin dhe mbrojtjen e të dhënave të organizatës ose institucioneve private dhe publike.

 Gjuhën e programimit Python - përbëhet nga 3 lëndë të detyrueshme dhe 2 lëndë zgjedhore që 
 synojnë zhvillimin e aftësive gjenerale të kandidatëve në atë të avancuar në Python. Kandidatët 
 e suksesshëm që plotësojnë këtë paketë do të përgatiten për tregun e punës në pozicionin e Web
 Developer në Python, Programmer në Python dhe pozicioneve të tjera të ngjajshme.

 Moduli i Administrimit dhe Mbështetjes së TI-së përbëhet nga pesë kurse profesionale në fushën e Teknologjisë së Informacionit dhe Rrjetave Kompjuterike. Qëllimi i këtij moduli trajnues  është t'i ofrojë pjesëmarrësve njohuri për të qenë në gjendje të punojnë si profesionistë të TI-se  në fushën e Administrimit dhe Mbështetjes së Sistemeve.